9 мамыр жеңіс күні сценарий(Ел мен ердің жемісі)

 

«Ел мен ердің жемісі»

І жүргізуші:
Армысыздар, құрметті ұстаздар мен оқушылар! Ұлы Отан соғысы кезіндегі қиыншылықтарды, халық көтерген қасіреттерді еске ала отырып, өзіміз сияқты жалынды жастарды Отанын сүюге, оны қорғауға баулу және Ұлы Отан соғысымен, қазақстандықтардың ерлік ісімен таныстыру мақсатына бағытталған «Ел мен ердің жемісі» атты ашық топжетекшілік тәрбие сағатына қош келіпсіздер!

ІІ жүргізуші:
1945-тің майында,
Июнінде,
Сосын июль айында...
Білесің бе, замандасым, ей менің
Елге қайтқан майдангерлер жайында?

І жүргізуші:
Ол жайында мынау туған ел жетік,
Ал біздер ше?
Өстік пе ойсыз ер жетіп?..
Ей, замандас!
Түсіреді нені еске
Киген жандар сұр шинель мен керзі етік.

16 желтоқсан тәуелсіздік күні сценарий(Желтоқсан – тәуелсіздіктің бастауы)

 

Тақырыбы:«Желтоқсан – тәуелсіздіктің бастауы»

Мақсаты: Тәуелсіздік туралы терең мағлұмат беру. Ата - бабамыздың тәуелсіздік жолындағы ерлігін үлгі етіп, өз Отанын сүюге, еліне, халқына қызмет етуге тәрбиелеу. Еліміздің тәуелсіздігін атап өту қарсаңында ел тарихына шолу жасау. Тәуелсіз еліміздің жетістіктерімен таныстырып, білгендерін тереңдету.

Көрнекілігі: шарлар, нақыл сөздер, слайд.

Барысы:Әнұран орындалады.
1 - жүргізуші:
- Құрметті қонақтар, ұлағатты ұстаздар мен шәкірттер! Гимназия мектебінің 3 «А» сыныбының оқушылары дайындаған «Желтоқсан – тәуелсіздіктің бастауы» атты ертеңгілігімізге қош келдіңіздер! Биыл  еліміздің сан мың жылдар бойы армандаған тәуелсіздік алғанымызға 22 жыл толып отыр.

25 - мамыр соңғы қоңырау сценарий(Қош бол, алтын ұям - мектебім)

 

« Қош бол, алтын ұям - мектебім» атты Батық орта мектебінде өтетін 2009-2010 оқу жылының соңғы қоңырау салтанатының жоспары
Ұйымдастырушы: директордың тәрбие ісі жөніндегі 
орынбасары Жұмағали Мұрат Жақияұлы 
Жүргізуші: Тарих - география пәнінің мұғалімі 
Ақмолдина Үмітжан Нұралықызы 
-    Қайырлы күн құрметті қонақтар, ұстаздар, ата – аналар, оқушылар!
-     « Қош бол, алтын ұям - мектебім» атты Батық орта мектебі 2009-2010 оқу жылының соңғы қоңырау салтанатына қош келіпсіздер !
Бүгін білімге тояттаған қырандардың соңғы қоңырауы. 
Жас жүректің өмірлік құштары – гүл,
Бағбан құстар баулыған құстары – бұл.
Қоштасып бүгінгі күн ұясынан,
Сол құстардың бір тобы ұшқалы тұр.
Алтын ұя мектебінің табалдырығынан үлкен өмірге ұшқалы отырған мектеп түлектерін құрметпен ортаға шақырайық. 

Бастауышпен қоштасу сценарий(Қош, бастауыш!)

 

Тақырыбы:          Қош, бастауыш!
 Мақсаты:             Оқушылардың үйренген білімдерін ортаға салу.Алғашқы ұстаздың
                                 адам өміріндегі алатын орны туралы ұқтыру.Әр оқушының өзіндік 
                                 ерекшеліктерін дамыту.Оқушыларды өнерге, еңбексүйгіштікке, 
                                 адамгершілікке  тәрбиелеу.
Көрнекілігі:           Оқу-білім туралы нақыл сөздер,фотостенд,шарлар,гүлдер.
Барысы:                І.Ұйымдастыру.
                              Мұғалім:  Қайырлы күн,құрметті ата-аналар,ұстаздар,балалар ! Бастауыш әлеміндегі дәстүрлі мерекенің бірі асыға күткен күн-бастауышпен қоштасу салтанатына қош келдіңіздер ! Төрт жыл бойы сіздермен бірге білім сатысымен қадам басып,алға қарай көтерілдік.Осы төрт жыл бойы алған білім мен өнерімізді ортаға салып,есеп беретін «Қош,бастауыш !»атты мерекелік ертеңгілігімізді ашық деп жариялаймын.   

Әліппемен қоштасу сценарийлер 2014-2015(Қош бол, құтты Әліппем!)

 

                                    1 сынып
Тақырыбы: Қош бол, құтты Әліппем!
Мақсаты: Оқушылардың Әліппеге деген сүйіспеншілік сезімін тудыру.Өздерінің сауатын ашқан кітабы «Әліппеге» байланысты өлең,тақпақтарын мәнерлеп айтуға үйрету.Ұлттық салт-дәстүрге,
әдет-ғұрыпқа деген сезімдерін арттыру.Туған жерді,елді,отанды сүюге,қорғауға баулу.
Көрнекілігі: нақыл сөздер, «Қош бол,құтты Әліппем!» сөзі жазылған плакат,шарлар.
Барысы: Құрметті ата-аналар,ұстаздар,қонақтар! Сіздер бүгін             1а сыныбының «Қош бол,құтты Әліппем!»атты мерекесіне қош келдіңіздер.Бүгін сендердің балаларыңыз осы күнге дейін сауат ашып,оқып,жазуға үйреткен «Әліппе» оқулығынан алған білім мен ілімдерін ортаға салмақ кез келді.Әліппені бітіру алдағы өмірге бастайтын көп белестердің бірі.Ендеше біз бүгінгі күні сол белестің бірінен астық.Сондықтан бүгінгі той сіздермен біздер үшін ортақ та салтанатты мереке.Бастауға рұқсат етіңіздер!

22 наурыз сценарий қазақша(Наурыз думан)

 

Сабақтың тақырыбы: Наурыз думан

Мақсаты: Оқушылардың наурыз мерекесі жөніндегі білген – түйгендерін толықтыру, мерекедегі айтылатын ұлағатты салт – дәстүрді құрметтеуге тәрбиелеу.

Көрнекілігі: « Ұлыс оң болсын,ақ мол болсын!» мақал – мәтелдер,жұмбақтар,ұлттық киімдер,құрақ көрпеше, бесік.

Жүргізуші: Құрметті оқушылар! Наурыз мерекесі құтты болсын!Күлімдеген шуақты көктеммен бірге қазақ даласына жаңа жыл келді.Әр адам келер жылдан үлкен үміт күтіп,оны ақ тілекпен,ақ ниетпен қарсы алады.

1 –оқушы: Бүгін күн – түн теңелді,
    Жер шуаққа кенелді,
    Соны тойлар ел енді.

Жүргізуші: 22 наурыз күн мен түн теңелетін күн. Ендеше күн мен түннің әңгімесін тыңдайық.

Жаңа жыл сценарий қазақша 2014-2015(Жасыл шырша жанында!!!)

 

 

Жасыл шырша жанында!!!

-  Армысыздар, құрметті ата-ана, қымбатты ұстаздар, оқушылар.
Жаңа жыл мерекелеріңіз құтты болсын.
Жаңа жыл елімізге, әр шаңыраққа тыныштық, бірлік, құт-береке әкелсін. 1-жүргізуші: Кел, жаңа жыл,
Төрле, төрле жеріме,
Құт береке боп келгейсің еліме,
Үміт артып армандарға аяулы.
Шаттығына бөлегейсің бізді де,

Қош келдіңіз бүгінгі кешімізге,
Жаңа табыс тілейік ісімізге.
Келе жатқан жаңа жыл құт әкелсін,
Мына отырған барша жан бәрімізге.

1 желтоқсан тұңғыш президент күні сценарий

 

Тақырыбы: Менің тұңғыш Президентім!
Мақсаты:а)Жас ұрпаққа Нұр ағамыздың сан қырлы талант иесі,құдіретті тұлға екенін таныту.
ә)Елімізге еңсе тіктетіп,мемілекетімізді мығымдап берген,халқымызды әлемге танытып,алаш баласының абыройын ақсақтатып Елбасының кісілік келбетін меңгеру.
б)Елін сүйген,елі сүйген Елбасынан үлгі алуға тәрбиелеу.
Көрнекілігі: Елбасы суреттері,  әнұран, т.б.

Әнұран орындау.
-Қазақстан Республикасының тұңғыш президенті Нұрсұлтан Назарбаев Әбішұлы сияқты талантты тұлғаның, халқын сүйетін ұлтжанды азаматтың тұрғанын көрмеу, оны сезінбеу мүмкін  емес еді.
Мемлекет басшысы бұл тұрғыдағы тұжырымдарын биік мінбелерден сөйлеген сөздерінде қалың елі қазағына тебірене тұрып – «Мен үшін елімді дамыған елдердің сапына тұрғызып, санатына қосудан үлкен мақсат жоқ» десе «Қазақтың өзінің ұлттық қасиеттерінің қайта қалыптасуына қамқорлық жасау Президенттік те, перзенттік парызым» деген болатын.

Алтын күз сценарий

 

Ақтау қаласы
«№13 орта мектеп гимназиясы» ММ
      Директордың тәрбие ісі жөніндегі орынбасары:
Сагиндикова Сандугаш Кадиргалиқызы

Кеш тақырыбы: «Алтын күз» танымдық кеші
Мақсаты:
1.    Жас ұрпаққа қоршаған ортадағы түрлі құбылыстарды және күз кереметтілігін нақты айқындап ашуға, табиғатты сүюге,сақтауға үйрету.
2.    Оқушылардың әртістік қабілетін, өзгешеліктерін дамыту, инабатты, иманды, іскер, мәдениетті, жеке тұлғаны қалыптастыру.
3.    Ұқыптылыққа,  шымырда шапшаң ой жүйріктілігіне, талғампаздыққа, таза әдемі болуға тәрбиелеу.
Көрнекіліктер: Сахнада күз көріністері, күздік дастархан мәзірі, нақыл сөздер, шарлар.
Кеш барысы: (Кеш жұптардың биімен ашылады).
1-жүргізуші: Армысыздар, ұлағатты ұстаздар!
2- жүргізуші: Бармысыздар, жадыраған жас достар!
Бірге: Берекелі, мерекелі алтын күз құтты болсын!
1-жүргізуші:     Алтын күз біз бен сізге шуақ шашсын,
Көңілді серіппелі күйін ашсын.
Бақ пенен  шаттық бірге қатар қонып,
Береке бірлікпенен ортақтассын.

Әліппемен қоштасу сценарийлер(Қош бол, әйбат Әліппе!)

 

                                       «Қош бол, әйбат Әліппе!»
Тәрбие сағатының мақсаты: Оқушылардың әліппені оқу кезеңінде алған тәлім-тәрбие-сін, білімін, білігін және дағдысын байқату; өнерлерін көрсетіп неге үйренгендерін көрсету.
Тәрбие сағатының барысы:
      -    Құрметті ата-аналар, ұстаздар, сүйікті шәкірттерім! 
      -  Бүгін сіздер 1 сынып оқушыларының «Қош бол, әйбат Әліппе!» атты әліппемен қоштасу кешіне жиналып отырсыздар.
      -  Төрт ай бұрын олар мектеп табалдырығын жүрексіне аттап, кіп-кішкентай жүректері бұлқына соққан балғын бүлдіршіндер еді. Қолдарына алған тұңғыш оқулықтары Әліппеге тамсана қарап, оның әр бетін қызыға парақтаған болатын. Ал қазір ше? Қазір олар бойлары да, ойлары да толысқан, әр бетін тамсана тамашалаған Әліппе оқулығындағы 42 әріпті жатқа білген, кез-келген әңгіме, ертегіні өзі оқи алатын дәрежеге жеткен оқушылар! Олар деп отырғанымыз кімдер? 
Олар: (оқушылардың аттары аталады.)