Приветствую Вас Гость • Регистрация • Вход • RSS
Понедельник, 5.12.2016
Главная » Файлы » Қазақша рефераттар » Қазақша мақал-мәтелдер [ Добавить материал ]

Келіндер жайлы


Оқушылар,студенттер,мұғалімдер,сайт қолданушылары өз материалыңызбен бөліссеңіз қуанышты болатын едік!

15.12.2013, 00:26
КЕЛІН ЖАҚСЫ БОЛСА НЕМЕРЕ ТӘТТІ

Әр елден келін келер, 
әр түрлі ырым етер.

Баланың өзі болғаңдай, 
Келіннің өзі келгендей.

Балаң жаман болса да 
Келінің жақсы болсын.

Жақсы ауылға келген келін — келін, 
Жаман ауылға келген келін — келсап.

Жақсы енені жаман келін жер қылады, 
Жақсы келін жаман енені ел кылады.

Жақсы келін жақсы жеңгеден кем түспейді.

Жақсы келін — келін, 
Жаман келін — өлім.

Жақсы келін кұрдасындай болар, 
Жақсы ұлың сырласыңдай болар.

Жақсы келін қызындай, 
Жақсы күйеу ұлындай.

Келін бой жасырады,
дауысын таудан асырады.

Келінге өкпе тисе  
төбесі көкке тиеді.

Келінді келін демесең
жақсы болса өз қызың.  
Күйеуді күйеу демесең
жақсы болса өз ұлың.

Келін жақсы болса немере тәтті.
 
Келін жаксы болса  
үйіңе көп кісі келеді.  
Келін жаман болса
Келген кісі кеткісі келеді.
Ас құй десең төккісі келеді,
"Төкпей құй" десең сөккісі келеді (Шал ақьін).

Келін жаман емес, келген жері жаман.

Келін кейін отырар болар, көтерілуге бейім отырар болар.

Келін, келін, келін бақ,
келмей жатып сөзің бақ.

Келін қыз болмас, күйеу ұл болмас.

Келіннің аяғынан, 
Қойшының таяғынан.

Келіннің бетін кім ашса сол ыстық.

Келіннің зекіп айтқаны
езіп құйған умен тең.
Көңілсіз берген тамағы
құм аралас күлмен тең (Құлтума).

Келіннің сөзі кетпендей 
Баланың сөзі батпандай.

Келіні жақсы үйдің керегесі алтын.

Кетеген болса түйең жау, 
Тебеген болса биең жау. 
Ұрысқақ болса ұлың жау, 
Керіскек болса келін жау (Үмбетей).

Қызым саған айтам, 
келінім сен тында.

Төркіні тентек келіннің тілі ұзын, 
Төркіні момын келіннің жібі ұзын.

Ұлттың жауы диуана, 
Келіннің жауы кейуана.
Похожие материалы

Рахмет ретінде астында тұрған жарнамалардың біреуін басуды сұраймын!

Категория: Қазақша мақал-мәтелдер | Добавил: Admin
Просмотров: 1109 | Загрузок: 88 | Рейтинг: 0.0/0
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]