Приветствую Вас Гость • Регистрация • Вход • RSS
Четверг, 4.6.2020
Главная » Статьи » Қазақша өлеңдер жинағы » Абай Құнанбаев өлеңдер жинағы

Қыс өлеңі (Абай Құнанбаев)
загрузка...

Абай Құнанбаев өлеңдер жинағы

ҚЫС

Ақкиімді, денелі, ақсақалды,
Соқыр, мылқау, танымас тірі жаңды. 
Үсті-басы ақ қырау, түсі суық,
Басқан жері сықырлап, келіп қалды.

Дем алысы - үскірік, аяз бен қар,
Кәрі құдаң — кыс келіп, әлек салды. 
Ұшпадай бөркін киген оқшырайтып, 
Аязбенен кызарып ажарланды.

Бұлттай касы жауып екі көзін,
Басын сіліксе, қар жауып, мазанды алды. 
Борандай бұрқ-сарқ етіп долданғанда, 
Алты қанат ақ орда үй шайқалды.

Әуес көріп жүгірген жас балалар, 
Беті-қолы домбығып, үсік шалды.
Шидем мен тон қабаттап киген малшы 
Бет қарауға шыдамай теріс айналды.

Кар тепкенге қажымас қайран жылқы 
Титығы құруына аз-ақ қалды.
Қыспен бірге тұмсығын салды қасқыр.
 Малшыларым, қор қылма итке малды. 

Соныға малды жайып, күзетіндер,
Ұйқы өлтірмес, кайрат қыл, бұз қамалды!
Ит жегенше Қондыбай, Канай жесін,
Құр жібер мына антұрған кәрі шалды.



Категория: Абай Құнанбаев өлеңдер жинағы | Добавил: Admin (05.11.2016)
Просмотров: 7925 | Теги: абай, өлеңдер, Қыс | Рейтинг: 5.0/1
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]