Метеорологиялық қауіпті құбылыстар слайд,презентация

​

Нөсер жауын-шашын – будақ-жаңбырлы бұлттардан сұйық және қатты күйінде (қар, жылбысқы қар, қиыршық, бұршақ) жауатын, күшті екпіні аз ғана уақытқа созылатын жауын-шашын. Нөсер жауын-шашын жауа бастаған кезде қарқыны тез артып, бұлттылығы күрт тоқтап, күрт өзгеріп отырады. Жел күшейіп, ұйтқып соғады, көбінесе найзағай жарқылдайды. Суық (әсіресе циклонның соңында) немесе жергілікті (жазда құрлық үстінде) тұрақсыз ауа массаларында, суық шептің алдында, жазда құрлық үстінде және жылы шептермен байланысты байқалады. Ақ жаңбырға және сіркіреме жауын-шашынға қарама-қарсы қойылады.
Қар жауған кезде және одан кейінгі уақыттағы негізгі жұмыс түрлері: жоғалған адам мен малды іздеу; запрдап шеккендерге алғашқы дәрігерлік көмек көрсету; жол бойындағы, үй-жай төңірегіндегі қарды тазалау; жолда тұрып қалған көлікке көмектесу; коммуналдық және энергетикалық желідегі аварияларды жою.
Барлық жұмыс бірнеше адамнан тұратын топпен бірге жүргізіледі. Егер қар басуға автомобильмен келе жатып тап болсаңыз тоқтап, тұрған жерді белгілеу керек, ол үшін ашық матаны ілген жөн. Машинаның үстін толығымен жауып, двигательді радиатор жағынан қымтау керек. Машина капотын желге қарай бұрып, отынды үнемдеу үшін, пешті ұдайы қоспаған жөн. Машинаны қар басып қалу қаупі болса, есіктің бірін жиі ашып, күртік қарды әрірек сырыңыз. Далада қалған машинада қатты тоңсаңыз да қозғалтқышты қоспаңыз, ол жұмыс істеп тұрған кезде бүлінген улы газ автомобиль ішіне жиналып, қақаған суықтан бұрын өзіңізді өмірден алып кетуі мүмкін. Машинадан шыққанда міндетті түрде өзіңізді арқанмен байлаңыз (Бір ұшын автомобильде қалдырыңыз). Адам үйден немесе машинадан жарты метр ұзағанда бағдардан айырылып, қаза болған жағдайлар көптеп кездеседі.