Салалас құрмалас сөйлем қазақ тілі слайд,презентация

Құрамындағы жай сөйлемдердің баяндауыштары тиянақты тұлғада келіп, өзара бір-бірімен тең дәрежеде байланысқан құрмаластың түрін салалас құрмалас дейміз. Салалас құрмаластың құрамындағы жай сөйлемдер өзара бір-бірімен екі түрлі жолмен байланысады: 1)интонация арқылы іргелес байланысады; 2) жалғаулық шылаулар арқылы байланысады.
Салалас құрмалас сөйлем мынадай алты түрге бөлінеді: ыңғайлас салалас,қарсылықты салалас, талғаулы салалас, кезектес салалас, себеп-салдар салалас және түсіндірмелі салалас.
Құрамындағы жай сөйлемдердің бірі екіншісінде айтылған ойдың болу себебін білдіретін салаластың түрін себеп-салдар салалас дейміз. Оның құрамындағы жай сөйлемдер бір-бірімен жалғаулық шылаулар (сондықтан, сол себепті,себебі, өйткені) арқылы да жалғаулықсыз, іргелес тұрып та байланысады.