Ұлттық, аймақтық және аудандық деңгейде туризмдегі кәсіпкерлікті мемлекеттік қолдау слайд,презентация

«Шағын кәсіпкерлік» туралы Қазақстан Республикасы Заңдарына сәйкес, жеке кәсіпкерлікті мемлекеттік қолдау – жеке кәсіпкерлікті ынталандыру, Қазақстан Республикасында кәсіпкерлік бастаманы жүзеге асыру үшін құқықтық, әлеуметтік және экономикалық жағдайлар жасау бойынша мемлекеттік шаралар кешені, ал жеке кәсіпкерлік инфрақұрылымы – шағын кәсіпкерлік қызмет етудің және дамуының жалпы жағдайларын қамтамасыз ететін ұйымдар кешені. Қазақстанда шағын бизнесті қолдау жүйесі қалыптасты және әлде де қызмет етуде. Бұл мәселемен Индустрия және сауда министрлігі, Экономика және бюджеттік жоспарлау министрлігі, Қаржы министрлігі, Табиғи монополияларды реттеу агенттігі, Статистика жөніндегі агенттігі және атқарушы биліктің басқа да органдары мемлекеттік деңгейде айналысады. Бүгінгі күнде шағын бизнесті қолдау саласында түрлі институттар бар. Қазақстанда шағын бизнесті қолдау механизмдері шағын бизнесті қолдаудың сараланып дамыған инфрақұрылымы арқылы жүргізіледі. Шағын бизнес субъектілерін тұрақтануын және қалыптастыруын ынталандыру үшін мемлекеттік даму институттары құрылған.