Бұтақта ілініп тұрамын,

Піскенде себетке құладым.  (Жеміс)

 

Өсірдім ұлпа қар,

Шешуін кім табар?   (Мақта)

 

Әкеміз ала баспақ асырады,

Күз келсе соямын деп асығыды.

Баспағым бойын шөпке жасырады.

Еті қызыл, терісі жасыл әлі.   (Қарбыз)

 

Ашулы қонақ бұл анық,

Тонып шешсе, жыладық.   (Пияз)

 

Өсірер тың дала,

Көшірер қамбаға.

Айналар ұңға да,

Айналар нанға да.  (Бидай)

Тұрады ылғи сөреде,

Іші толы өнеге (Кітап)

 

Қала кетті домалап,

Обалақ.

Дала кетті домалап,

Обал-ақ.

Көл де кетті,

Шөл де кетті домалап,

Обал-ақ.

Тау да кетті

Бау да кетті домалап,

Обал-ақ.

Не туралы айтып тұрмын,

Тауып көрші жобалап.   (Глобус)

 

Оқушыға мақтанды

Бір серігі аз ғана:

«Күнде кешем ақ қарды,

Қыс түгілі жазда да».   (Қалам)

Төбемізде тұрағы,

Пайдасы мол ұққанға.

Түнде жанып тұрады,

Сөнеді Күн шыққанда (Электр шамы)

 

Ілулі тұрған кітап

Барады күнде жұтап.

Бір бетін жыртты мамам,

Бір бетін жыртты ағам.

Бір бетін жыртты інім...

Себебі неде мұның?

Барады неге жұтап

Ілулі тұрған кітап?   (Күнпарақ)

 

Аязға толы жәшігім,

Ішінен тамақ тасыдым.  (Тоңазытқыш)

 

Басы жоқ, аяғы жоқ, иығы бар,

Киюге киімімді жиі құмар.   (Киім ілгіш)

 

Әлсін-әлсін шыр-шыр еткен бөпесін

Бір қолымен көтереді көкешім.   (Телефон)

 

Төрт аяғы болса да,

Етік киіп көрмеген.

Жалқаулығы соншама,

Аттап шықпас бөлмеден.  (Стол)

 

Үй таза – ол қозғалса,

Белбеуін шешпес тозғанша. (Сыпырғыш)

 

Біреуі тіп-тік,

Біреуі тықтық.

Етіктің табанын

Бүтіндеп шықтық.  (Шеге мен балға)

Екі ағайынды,

Екеуі де бір үйде,

Бірін-бірі көрмейді. (Көз)

 

Асқар тауда қара орман (Шаш)

 

Күмбір-күмбір қарағым,

Қартайғанша жарадың. (Құлақ)

 

Ти, ти десем тимейді,

Тиме десем тиеді. (Ерін)

 

Тақырда тайдың ізі. (Кіндік)

 

Сәуле астында жүз ине (Кірпік)

 

Қос қабыршақ қабысып,

Қарбызға тұр жабысып. (Құлақ)

 

Түпсіз терең тұңғиық

Бүкіл әлем тұр сыйып (Көз)

 

Кішкене ғана тостаған,

Жер дүниені бастаған. (Көз) 

 

Бірі қысқа, бірі ұзын он бала,

 

Жұмысында тындыратын сол ғана. (Он саусақ)

 

 

 

Отыз екі орағым бар ғажайып,

 

Әттен, кейін кетеді ғой азайып.   (Тіс)

Мойынынаң ұстаймын, ішінен қыдықтаймын. Ол не? (Домбыра)

 

Бір муйізіді, бір көзді. (Ине)

 

Тиіп кетсе жылаған,

Даусы көпке ұнаған. (Домбыра)

 

Әй, керемет бір ит бар,

Үй бағады үрмейді,

Аяғы жоқ жүрмейді,

Ұлықсатсыз ол иттен

Адам үйге кірмейді. (Құлып)

Телеграф бағаны деп қаласың,

 

Насосқа ұқсастығын табасың. (Т әрпі)

 

 

 

 

 

Мысыкта бар, кушекте жок.

 

Ыдыста бар, алмада жок. (Ы әтпі)

 

 

 

 

        Арықта бар

 

        Сезімде жоқ.,

 

        Балықта бар,

 

         Теңізде жоқ.         Бұл қай әріп ? ( А )

 

Бір халық аспанда ұшқан, аяғы жоқ,

 

Ұстаған қолдарында таяғы жоқ.

 

Күніне талай жерге кетер кезіп,

 

Нәрсенің бұл секілді саяғы жоқ. (Бұлт)

 

 

 

Көзге ілінбейді,

Жұтсаң білінбейді. (Ауа)

 

 

 

Қолы жоқ, сурет салады,

 

Тісі жоқ, тістеп алады. (Аяз)

Апан-апан,

 

Ескі шапан.

 

Иір қобыз,

 

Жарық жұлдыз. (Түйе)

 

 

 

 

 

Кішкентай ғана бойы бар,

 

Айналдырып киген тоны бар. (Қой)