КӨКТЕМ ДЕ КЕЛЕР

Көп кешікпей көктем де келер енді, 
Көгеретін тіршілік көгереді.
Қу бұтағы арса-арса кәрі еменге, 
Келер көктем, білмеймін, не береді?

Көп кешікпей көктем де келер енді, 
Көгереді ауылдың төңірегі.
Ерте кеткен досымның қабірі тұр, 
Келер көктем, білмеймін, не береді?

Көп кешікпей көктем де келер енді, 
Барлық нұрын көл-көсір төгер енді. 
Сағынышын сарыққан, жапа-жалғыз, 
Менін жесір жеңгеме не береді?

Көгереді...
Барлығы көгереді,