ҒАШЫҚПЫН!

Ғашықпын! Шын ғашықпын сол адамға!
Мен болмасам болмайын. Сол аман ба?
О, тәңірім! Неткен жан қайырылмайтын!
Жүрегі еттен бе, әлде, қоладан ба?!

Ғашықпын.Қайтіп оны жасыра алам, 
Бір алтын оның әр тал шашы маған.
Сағынайын, таусыла сағынайын, 
Сағынышқа жаралған ғашық адам.

Шарықтап қолым жетпес көкте Күнге, 
Ақ қанат кұсым менің кеткенін бе?
Шарқ ұрып бар ғаламды шыр айналып,
Мәңгілік сені іздеумен өткенім бе?

Сарғайған сағыныштан басып толық,
Бар үміт, бар сенімді шашып болып.
Өтермін, сірә да мен, бұл өмірден,
Мәңгілік қалармын мен ғашық болып...