АҚПАН

Ақпан, ақпан, Қыс әлі.
Ақ түтек аяз қысады,
Арылмай жатыр даладан 
Ақсақал қыстың құшағы.

Аппақ қар тақтақ жолдарда 
Жақсы аттар, шана заулайды. 
Адыр мен қырқа, жондарда 
Ал қызыл түлкі аунайды.

...Айтса да, достар, осы айда, 
Туыпты біздің солдаттар.
Берік боп тұрсын осы ойда, 
Сыйыңды жақсы арнап бар.

Айтуынша Атаңның,
Күн де ұзарды нар адым. 
Жұмысы көп қой апаңның, 
Көмектес оған, қарағым.

Жалқаулық әсте, жаман іс, 
Өнбейді одан бір шыбық 
Оқу мен еңбеқ демалыс, 
Барлығын қоссақ — Тіршілік.

Ақпан, ақпан, Қыс әлі.
Келеді қашан құс әні? 
Қарлығаш, тырна, бозторғай 
Қалықтап қашан ұшады?..