БАҚЫТЫМ МЕНІҢ АЛЫСТА

Алданбайын арзанқол жұбанышқа, 
Алданып жұбанышқа, құрақ ұшпа!
Қазір менен кашықтап куаныш та, 
Әйтеуір, бір бақытым түр алыста.

Белгісіз жетем бе оған, жетпеймін бе, 
Қалам ба орта жолда жетпей мүлде? 
Әйтеуір, бір бақытым тұр алыста,
Көрем бе, көгерем бе, көктеймін бе?!

Болғанмен қанша мұңым, қанша қайғым, 
Іздеуден бақытымды шаршамаймын. 
Өмірім, берер болсаң, ұзағынан,
Өткінші бақытты мен аңсамаймын.

Өмірім!
Сен деп келгем, сен деп келгем!
Ақ еділ арманымды теңдеп келгем. 
Айырма алыстағы бақытымнан, 
Армандап аңсап көрген, шөлдеп көрген.

Жылдардың ұзаруда тізбектері,
Жаз өтті.Бара жатыр күз де өткелі.
Қыс та өтер, қыспен бірге мен де өтермін... 
Бақытым жүрсе болды іздеп мені.