Приветствую Вас Гость • Регистрация • Вход • RSS
Пятница, 9.12.2016
Главная » Статьи » Туған күнге тілектер » Қазақша тақпақтар мен өлеңдер

Сәбилер туралы тақпақтар мен өлеңдер


Оқушылар,студенттер,мұғалімдер,сайт қолданушылары өз материалыңызбен бөліссеңіз қуанышты болатын едік!

Сәби

Бөбек бөлеу


         (Ана жыры)
Бөл-бөл бөбек, бөл, бөбек,
Бөлейін бері кел, бөбек.
Бедерлі бесік, төрт есік,
Төгілте салдым төр төсек.
Бөпешім-бесік отауың,
Отауыңа кір бөбек.

Бөл-бөл бөбек, бөл, бөбек,
Бүлдіршін шүмек бәйтерек.
Балалы үйрек, бас бармақ,
Кішкене бөбек – бес бөлек.
Саусақайы салбырып,
Бөлене қойсын қос білек.

Бөл-бөл бөпем, бөл, бөпем,
Бөлесем жөнге көн көкем.
Көк ала жылқы көлде екен,
Көк ала тайың сонда екен.
Торсығыңды тосайын,
Тұмсық төсей сор, көкем.
Бөл-бөл бөпем, бөл бөпем,
Бөлейін бері кел, бөпем.

Жұлдызыңды жұм, көкем,
Жуынып ерте тұр, бөпем.
Алшая атқа мін, бөпем,
Ақтан қара біл, көкем.
            І. Жансүгіров    

Тәй-тәй


Өлеңін жазған – Е.Елубаев
Әнін жазған – Ш.Жағыпаров

Сені қашан көрем деп, 
Үйге асығып жетем.
Үлбір беттен өбем деп,
Ұшып-ұшып кетем.
    Қайырмасы
Тәй-тәй,
Тәй-тәй,
Күле қойшы, бөпешім.
Тәй-тәй,
Тәй-тәй,
Жүре қойшы, бөпешім.

Қатарыңнан кем болма,
Ер жеткенде, бөпем.
Қанаттасым, сен барда,
Жетер көкке төбем.

Атаның әлдиі
Ал, Қуаныш, Қуаныш,
Сені етейін жұбаныш.
Алғадайым өлгелі
Боп кетіп ем жылағаш.

Ермек болып отырсаң,
Мен бір әнге салайын.
«Ата, ата» деп келген,
Айналайын, алайын.
Ақ бетіңнен өпкен соң,
Жүрегімді жамайын.

Көңілімді шат қылсаң,
Көтеріліп қалайын!
        Ж. Жабаев        

 

Перзент жыры


Сен менің мәңгілікке өлмес атым,
Атымды ап алыс жылға жалғасатын.
Әкеде өсиет бар өмір жайлы,
Балада қасиет бар алға асатын.

Сен менің ұшар басым биіктеген,
Жолыңа тапқанымды үйіп-төгем.
Сен менің дүрсілдеген жүрегімсің,
Қай нәрсе сол жүректен сүйікті екен?
Сен мені өскен сайын ойландырып,
Заңдарын табиғаттың ойға алдырып.
Бір қадам басқан сайын өзің мені
Барасың шежіреге айналдырып...
                          Т. Айбергенов


Похожие материалы

Рахмет ретінде астында тұрған жарнамалардың біреуін басуды сұраймын!

Категория: Қазақша тақпақтар мен өлеңдер | Добавил: Admin (21.03.2016)
Просмотров: 485 | Теги: тақпақтар мен өлеңдер, Сәбилер, Сәбилер туралы | Рейтинг: 0.0/0
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]